புத்தளம் – அநுராதபுரம் பிரதான வீதியில் மீ ஓயா பாலத்திற்கு அருகில் சொகுசு பேருந்து ஒன்று விபத்துக்குள்ளானதில் 12 பேர் காயமடைந்துள்ளனர்.
கொழும்பிலிருந்து அநுராதபுரம் நோக்கிச் பயணித்த குறித்த சொகுசு பேருந்து, நிலவிய சீரற்ற வானிலை காரணமாக கட்டுப்பாட்டை இழந்து வீதியை விட்டு விலகி கவிழ்ந்து விபத்துக்குள்ளாகியுள்ளதாகப் காவல்துறையினர் தெரிவித்தனர்.
விபத்து விவரங்கள்:
இச்சம்பவத்தில் 7 பெண்கள், ஒரு சிறுமி மற்றும் 4 ஆண்கள் என மொத்தம் 12 பேர் சிறு காயங்களுடன் உடனடியாக மீட்கப்பட்டுப் புத்தளம் வைத்தியசாலையில் அனுமதிக்கப்பட்டுள்ளனர்.
காயமடைந்தவர்களில் அந்தப் பேருந்தின் சாரதியும் நடத்துனரும் அடங்குவதாகக் காவல்துறையினர் உறுதிப்படுத்தியுள்ளனர்.
புத்தளம் காவல்துறையினர் இச்சம்பவம் தொடர்பாக மேலதிக விசாரணைகளை மேற்கொண்டு வருகின்றனர்.
