கலகொடஅத்தே ஞானசார தேரரை உடனடியாக விடுதலை செய்ய வலியுறுத்தி, கொழும்பு விகாரமகாதேவி பூங்காவில் மகா சங்கத்தினரின் சத்தியாக்கிரகப் போராட்டம் தொடர்ச்சியாக முன்னெடுக்கப்பட்டு வருகின்றது.
போராட்டத்தின் பின்னணி மற்றும் நிகழ்வுகள்
கடந்த 10 ஆம் திகதி கண்டி தலதா மாளிகை வளாகத்தில் ஆரம்பிக்கப்பட்ட “காவி உடைக்கு நீதி – சுதந்திர நடைபவணி” பல்வேறு இடங்களைக் கடந்து கடந்த 16 ஆம் திகதி கொழும்பை வந்தடைந்தது.
நேற்று (16) நண்பகல் வரை ஜனாதிபதி செயலகத்திற்கு முன்பாகத் தங்கியிருந்த பிக்குகள் குழுவினர், பின்னர் புத்தசாசன அமைச்சுக்கு முன்பாகச் சென்று அதிகாரிகளுடன் பேச்சுவார்த்தையில் ஈடுபட்டனர்.
எனினும், அமைச்சின் செயலாளருடன் இடம்பெற்ற அந்தப் பேச்சுவார்த்தை தோல்வியில் முடிந்ததைத் தொடர்ந்து, பிக்குகள் விகாரமகாதேவி பூங்காவிற்குச் சென்று அங்கு தற்காலிகப் போராட்டத்தைத் தொடர்ந்தனர்.
பொலிசாருடன் மோதல் நிலை
நேற்று பிற்பகல் விகாரமகாதேவி பூங்காவிற்கு வருகை தந்த பிக்குகள் குழுவினர் அங்கு தற்காலிக மேடை ஒன்றை அமைக்க முயன்றபோது, பொலிசாருக்கும் அவர்களுக்கும் இடையில் முரண்பாட்டு நிலை ஏற்பட்டிருந்தது.
எவ்வாறایினும், ஞானசார தேரர் முழுமையாக விடுவிக்கப்படும் வரை எக்காரணம் கொண்டும் அவ்விடத்தை விட்டு அகலப்போவதில்லை எனத் தித்தகல்லே ஆனந்தசிரி தேரர் ஊடகங்களுக்குத் தெரிவித்தார்.
